《哗鬼上学去之 农夫 篇》剧透!5大必睇搞笑位!_企业人科_申博667878
主页 > 企业人科 >《哗鬼上学去之 农夫 篇》剧透!5大必睇搞笑位! > > 正文

《哗鬼上学去之 农夫 篇》剧透!5大必睇搞笑位!

2020-06-10 点赞:504 浏览量:596
《哗鬼上学去》来到第二季,今次由两位香港草根哗鬼大细路陆永同C君出发,大胆撇低Do姐去英国西南部小镇Tavistock做10日寄宿生,亲身体验留学「快乐」生活!不嬲都知道外国小朋友返学其实係由细玩到大,求学不是求分数,以为一定好开心?错!两个都话:「真係惨过做 农夫 呀!」不过农夫出名爱搞笑,留学过程中当然有大量无厘头搞笑事发生,趁今晚开播前先来剧透,率先开估5大必睇搞笑位!

Text: Alex @ A君的泡菜日誌

《哗鬼上学去之 农夫 篇》剧透!5大必睇搞笑位!
陆永:「寄宿返学?仲要係中学课程,我未惊过!」
01 |体育挑机 C君惨变趴街

今次去的Mount Kelly College是英国出名的运动名校,农夫去到第一时间当然要同学生作身体交流,出马前两条友仔劲得戚:「我地两个牛高马大,佢哋成班中学鸡,点会输喎?」可惜事与愿违!陆永挑战传统运动板球,以为手长脚长一定接到波,点知快到连波尾都见唔到,吓到佢以为对方练成「童梦幻影球」;C君话自己下盘结实,走去玩Rugby,可惜Tackle练习目标时已惨变趴街,真係阴公猪!在场监製都睇唔过眼,「哇!你两个玩一阵已经瘦咗一圈喎」,谂住完?你就想!之后仲要游水划艇玩帆船,两个人惨被地狱式训练,陆永最后忍唔住:「嚟留学,麻烦操弗个Body先!」

《哗鬼上学去之 农夫 篇》剧透!5大必睇搞笑位!
C君Tackle惨变趴街后,决定立即放弃以保生命安全。(睇吓左边条小腿,粗过C君手臂呀!)
《哗鬼上学去之 农夫 篇》剧透!5大必睇搞笑位!
板球是英国传统运动,起源于1300年,是由两队各十一人进行对抗赛,比赛跟棒球差唔多,以木棒击球争取分数。你睇农夫两子穿装备时有板有眼,仲够胆开玩笑,一阵训练就知味道!
《哗鬼上学去之 农夫 篇》剧透!5大必睇搞笑位!
监製话佢两个做运动做得唔错,但划艇划到反艇喎,我就真係唔信啦……
02 |泥浆步行 老汉推车鬼食泥

英国特种兵传统训练要跑泥浆(Tough Mudder),学校竟然有类似体验,一场去到农夫自然再「中伏」,换上尴尬紧身衣后即跟大队上场,陆永行两步已心知不秒,话好似有10个罗莽师傅捉实你;C君更再次趴街,教练出动都要成5分钟先成功解救,同学仔话原来早前落过雨,泥浆软化劲难行!之后仲要玩「泥上老汉推车」,陆永醒目即举手话要做「老汉」,C君扮车时惨叫,「玩野咩!我咁重手又短,行果阵啲泥高过我个鼻,今舖真係鬼食泥呀!」最后仲大镬,竟然係跳崖,监製见到时层楼高既山崖已叫停,点知两个人心口有个勇字竟然一跃而下,事后边手震边话:「我哋香港过嚟,唔可以衰俾外国小朋友睇!」监製,麻烦颁个奖俾佢哋!掌声!

《哗鬼上学去之 农夫 篇》剧透!5大必睇搞笑位!
「泥上老汉推车」令C君鬼食泥,事后佢话唔想食饭,「食泥已经食到饱」!
《哗鬼上学去之 农夫 篇》剧透!5大必睇搞笑位!
泥泞吸力劲过罗莽师傅,想逃走真係要靠教练帮手!
《哗鬼上学去之 农夫 篇》剧透!5大必睇搞笑位!
同学仔个个都无惧即跳,农夫就睇到面青青!
《哗鬼上学去之 农夫 篇》剧透!5大必睇搞笑位!
C君其实唔识游水,「跳係因为唔想衰俾外国小朋友睇!」
03 |军服野战 血腥求生吓到面青青

陆永最欣赏外国教育课程,在于佢哋唔止学书本上的知识,而係会教求生技能,好似野外定向堂就係一个例子!当日晨咁早天未光就着好军服集合,同学仔个个都有板有眼,陆永话自己似「刘大卫」,C君更话自己係天生军人,因为佢本名係「郑斯君……人」喎,不过我睇极都觉得佢两个只係似兵仔啰!在劲阴森又方原百里无人的草原行成几个钟就终于见到目的地,教练竟然即刻教大家「处理」野兔,画面血腥睇到佢哋两个差啲反白眼,但在场其他同学非常气定神闲,事后问返先知,「野兔在当时情况只係食物,无得惊!」由细开始接受训练,果然宁舍不同,有胆识!

《哗鬼上学去之 农夫 篇》剧透!5大必睇搞笑位!
出发前以为好轻鬆,仲有心情叫同学仔齐齐摆Pose影相,点知……
《哗鬼上学去之 农夫 篇》剧透!5大必睇搞笑位!
野外定向堂去的地方在达特摩国家公园附近,草原景色超靓,不过万里无人实在太冷清,监製当时都话好怕会出事。
《哗鬼上学去之 农夫 篇》剧透!5大必睇搞笑位!
真实课程其实是教同学打猎,但怕画面太血腥而用已死野兔取代,但处理情况依然太震撼,剥皮时差啲吓到陆永晕低。
《哗鬼上学去之 农夫 篇》剧透!5大必睇搞笑位!
睇表情已知,佢哋两个果一刻真係好惊嫁!
04 |矇眼画画 斗气玩决裂

Mount Kelly College注意多元发展,上堂出名有创意,估唔到美术堂都有新花臣,竟然係矇眼画画锻练团队精神。陆永C君话晒都组团农夫超过15年,当然未惊过,C君矇眼后陆永即刻开始,可惜搞笑瘾发作,当然乱噏当秘笈,「哇!你画得好好呀!只猫画到好似狗咁;隔离仲有个花樽,点解你画到宝矿力咁?」真係画到C君扯埋火,连老师都出马叫佢正经啲!最后?两幅画当然都一塌胡涂,老师评价F级,毫无合作精神!唔通佢哋不和争Do姐宠係真既?

《哗鬼上学去之 农夫 篇》剧透!5大必睇搞笑位!
老师教路后,陆永决定行讚美路线,可惜「最心痛是,讚得太迟」,画作已经一塌胡涂,无得救!
《哗鬼上学去之 农夫 篇》剧透!5大必睇搞笑位!
失败作
05 | 收买人心 宿舍玩国粹输俾同学仔

去留学,同学仔最怕宿舍新朋友难相处,农夫在节目中懒醒俾贴士,就话一定要作深文化交流,搞烂Gag教广东话已属低手表现,识玩一定係玩国粹打麻雀,「麻雀边打边吹水,打赌赢咗叫可以叫佢做你手下,好化算」,点知外国朋友仔鬼咁醒目一点就明,即使农夫集精汇神,陆永仲心思思想出古惑,可惜都係一句「食糊」惨被KO,不过气氛超融洽,监製都讚农夫搭讪係有一手,值得学习!

《哗鬼上学去之 农夫 篇》剧透!5大必睇搞笑位!
万子係K(明明係10K)、筒子係Circle、索子係Bamboo,简单讲完规则就立即开波。
终极剧透:Do姐现身!

「想卖甩Do姐?无咁易」,Do姐竟然现身毕业典礼,吓死佢哋!农夫当然受宠若惊,陆永仲话「我要一世侍奉Do姐」!期间Do姐仲做咗个惊喜Event,可惜监製话要卖个关子,想睇佢哋3个再斗气,唯有较闹钟準时睇节目吧!

《哗鬼上学去之 农夫 篇》剧透!5大必睇搞笑位!
Do姐现身毕业礼,收兵成功,农夫立即归队侍奉娘娘!

 

《哗鬼上学去之农夫篇》

日期:至23日晚上10时30分(共5集)

频道:翡翠台

最新文章
有壹种狗叫妳爱不释手
有壹种狗叫妳爱不释手2020-07-16
有备无患但希望大家永远都用不上这些东西
有备无患但希望大家永远都用不上这些东西2020-07-16
有备无患,世界备份日就在明天!
有备无患,世界备份日就在明天!2020-07-16
有备无患,但希望大家永远都用不上这些东西
有备无患,但希望大家永远都用不上这些东西2020-07-16
有备无患:在未来的机器人时代,我们人类该如何找工作
有备无患:在未来的机器人时代,我们人类该如何找工作2020-07-16
有备而来 08 Toyota RAV4 2.4
有备而来 08 Toyota RAV4 2.42020-07-16